Llinia recta imaxinaria que s’establez a partir del movimientu d’ún o dellos personaxes, de les sos miraes o de la so posición nel encuadre, creándose una división del espaciu en dos semicírculos de 180 graos que la so función ye la d’establecer los allugamientos correctos de la cámara pa que l’espectador tea visualmente orientáu.
La ley de la exa
(180-degree rule / Règle des 180°)
Depués d’unos primeros años de cine nos que tolos films proceden del planu secuencia, surde la necesidá d’enfatizar detalles amosándolos de cerca, d’acurtiar el tiempu énte motivos d’interés o d’esplorar un mesmu escenariu a traviés de dellos puntos de vista. Caúna d’estes opciones lleva a asitiar la cámara n’allugamientos distintos pero aína se repara en que nun ye posible poner la cámara en cualquier opción de los 360 graos posibles. Unos allugamientos son meyores qu’otros nel sentíu de que nunos casos la percepción d’información nueva ye inmediata y n’otros produz dalguna desorientación espacial que lleva a una llectura lenta del planu qu’empieza. Esta falta d’orientación del espectador ye enemiga de la fluidez narrativa que busca’l cine clásicu.
La llei de la exa ye conocida tamién como la llei de los 180 graos, porque’l so puntu de partida ye la visión de 180 graos del ser humanu
La llei de la exa ye conocida tamién como la “llei de los 180 graos”, porque’l so puntu de partida ye la visión de 180 graos del ser humanu. Esta llei empieza a xestase cuando los cineastes empiecen a fragmentar la planificación nun mesmu decoráu, esto ye, escontra 1900, colos films del grupu de cineastes de Brighton. Los personaxes dialogando nos films de 1911 de Thomas Harper Ince yá respuenden a una planificación que contempla la llei de la exa, con ún d’ellos mirando a la derecha del encuadre nel planu 1 y l’otru a la esquierda nel 2. Poco depués, un llargumetraxe como El nacimientu d’una nación (The Birth of a Nation, 1915) de David Wark Griffith utiliza la llei de la exa aprovechando toles sos posibilidaes y antemanando l’usu global d’esti recursu del llinguaxe. La secuencia climática del tirotéu na sala d’espeyos del thriller La dama de Xangai (The Lady from Shangai, 1947), d’Orson Welles, elimina la llei de la exa al crear un espaciu d’espeyos, onde la exa de miraes pierde sentíu porque los personaxes miren n’imaxe multiplicada al empar a esquierda y a derecha.
L'asesinatu de Jesse James pol cobarde Robert Ford
Tha Assassination of Jesse James by the Coward Robert Ford / L'Assassinat de Jesse James par le lâche Robert Ford
Basada na novela homónima de Ron Hansen, la película narra los últimos díes del pistoleru más famosu de la Historia, Jesse James (Brad Pitt), y de la so muerte a manes del mozu Robert Ford (Casey Affleck), ún de los miembros de la so banda. Tamos nel añu 1881 y Jesse tien 34 años. Mentes entama’l so golpe nuevu, sigue lluchando colos sos enemigos, que traten de consiguir el dineru del pagu y la gloria que trayería la so captura. Pero la mayor amenaza a la so vida podría provenir d’aquellos nos que más s’enfota.
