Recursu narrativu que consiste na omisión de partes del rellatu que nun se consideren imprescindibles pa la so comprendoria. La elipsis ye natural al discursu narrativu cinematográficu hasta’l puntu de que namás el planu secuencia, que reproduz el tiempu real, detién la so existencia. Cada pasu d’una secuencia a la siguiente, y inclusive cada transición por corte, ye susceptible de contener una elipsis.
La elipsis ye natural al discursu narrativu cinematográficu hasta’l puntu de que namás el planu secuencia, que reproduz el tiempu real, detién la so existencia
A menudo les elipsis manifiéstense por transiciones nes que la semeyanza o’l contraste de formes o de movimientu doten de guapura al recursu. Por exemplu, la transición en continuidá de movimientu del güesu d’un homínidu que cai, convirtiéndose por corte nuna nave espacial que baxa, dando a entender una elipsis de cientos de miles d’años, en 2001. Una odisea del espaciu (2001: A Space Odissey, 1968) de Stanley Kubrick. La secuencia de los almuerzos del matrimoniu de los Kane presenta elipsis que respeten siempre’l mesmu allugamientu, la mesa del almuerzu, presentando episodios curtios que van d’un tiempu feliz a ún desgraciáu y vinculando cada episodiu col recursu del barríu o filage, en Ciudadanu Kane (Citizen Kane, 1942) d’Orson Welles. L’árbol de la vida (The Tree of Life, 2011) de Terrence Malick caracterízase por elipsis relevantes al asocedese la narración dientro d’un esquema discontinuu que va dende’l presente d’un arquitectu d’edá mediana hasta’l so pasáu cuando neñu nos años 50, con incursiones n’episodios secuenciales sobre l’orixe de la vida nel universu.
L'árbol de la vida
The Tree of Life / L’Arbre de vie | Terrence Malick, 2011, EE.XX.
L’árbol de la vida configúrase como un cantar poéticu a la existencia que busca respuestes a les preguntes más inquietantes, personales y humanes al traviés d’un torbolín d’imáxenes cargaes d’espiritualidá y guapura que, dende una perspectiva eminentemente panteísta, van llevanos dende lo más pequeñoo lo más grande, dende’l pie d’un neñín pequeñu hasta l’orixe mesmu del Universu. La película céntrase nes vivencies d’una familia d’un pueblín de Texes nos años cincuenta, y sigue’l momentu vital del fíu mayor, Jack (Sean Penn), dende la inocencia de la infancia hasta la desilusión de los sos años de madurez, pasando pel puntu ensin vuelta que va significar la muerte d’ún de los sos hermanos. Jack va recordar la dulzura de so madre (Jessica Chastain) y va intentar reconciliase cola alcordanza del so más que severu padre (Brad Pitt). La película ganó la Palma d’Oru nel Festival de Cannes 2011.
