Unidá narrativa mínima con estructura completa de “planteamientu-desenvolvimientu-clímax-anticlímax” que fai posible’l rellatu de films de metraxe curtiu o bien forma parte d’estructures más llargues. La secuencia pue asocedese nun únicu o en dellos escenarios. La historia del rellatu nel cine, dende la brevedá de los primeros años hasta los llargumetraxes de delles hores de 1910 n’adelantre, pue esplicase dende l’aumentu nel númberu de secuencies que va dende los films de secuencia única hasta les estructures multisecuenciales de los llargos en trés o más actos.
La historia del rellatu nel cine pue esplicase dende l’aumentu nel númberu de secuencies que va dende los films de secuencia única hasta les estructures multisecuenciales de los llargos en trés o más actos
Dalgunes de les secuencies ente les más recordaes del audiovisual son la del ametrallamientu de los soldaos al pueblu nes escalinates de L’acorazáu Potemkin (Bronenosets Potiomkin, 1925) de Sergei Eisenstein, la muerte del vampiru en Nosferatu (1922) de Friedrich W. Murnau, l’asesinatu de la neña en M, el Vampiru de Dusseldorf (M, 1931) de Fritz Lang, la danza feliz del protagonista debaxo l’agua en Cantando debaxo l’agua (Singing in the rain, 1952) de Gene Kelly y Stanley Donen, la carrera de cuadrigues en Ben-Hur (1959) de William Wyler, l’asesinatu na ducha de Psicosis (Psycho, 1961) d’Alfred Hitchcock o la persecución de coches en Bullit (1967) de Peter Yates.
Les secuencies de creitos qu’introducen nel espíritu del filme foron ganando en relevancia dende los años cincuenta, como la de Vértigu (1958) realizada por Saul Bass nel filme dirixíu por Alfred Hitchcock, la de James Bond contra Goldfinger (Goldfinger, 1964) de Robert Brownjohn nel filme dirixíu por Guy Hamilton, o la de Seven (1995) realizada por Kyle Cooper nel filme que dirixe David Fincher.
M, el vampiru de Düsseldorf
M / M le maudit | Fritz Lang, 1931, Alemania
Berlín, años 30. Un asesín en serie tien en xaque a tola ciudadanía. El so principal blancu son les neñes, ocho en total hasta’l momentu. La paranoya y la desesperación cébense entá más na apavoriada población al sabese que, hasta la fecha, tolos intentos llevaos a cabu poles autoridaes pa prender al criminal resultaron inútiles, dende’l rastrexu de pacientes psiquiátricos daos d’alta apocayá, hasta les redaes indiscriminaes nos baxos fondos. Aforfugaes pol acosu policial de contino y les sos nada rentables consecuencies, les principales organizaciones criminales de la ciudá deciden ponese d’alcuerdu p’atrapar al asesín pola so cuenta cola única intención de sometelu a un xuiciu sumarísimu y, llegáu’l momentu, axusticialo ensin más.